من نحن

يعنى ايه فريق iDream

مين هم iDream

ايه اللى هستفاده معاكوا..وممكن أفيد ازاى ؟؟

••••••••••••••••••••••••

رسالتنا
صنع حياة أفضل للشباب

رؤيتنا
أن نصبح أكبر شركة تدريب وتنظيم فى مصر

••••••••••••••••••••••••

لما جينا نفكر فى اسم الفريق

كان له معانى كتيرة جدا

انا عندى أحلامى الكبيرة اللى نفسى أحققها وعندى أهدافى

عايز اللى يشجعنى ويدفعنى ..

انت لوحدك ممكن تحقق حلمك ان شاء الله

لكن لما تبقى فى مجموعة أكيد هيخدوا بايديك وتحققها أسرع

وفرصة انك تقع قدام العقبات هتقل أكيد

ده سبب

السبب التانى

كتير مننا بيتخرج مش عارف هدفه ولا حلمه ايه

حتى مش عارف معنى كلمه الهدف ايه

وعايش حياته بالطول والعرض..وطول الوقت بيلوم الظروف اللى حواليه

لكن محاولش يتحرك ولا يغير ولا يعمل حاجة

مش لاقى شغل ..لكن محاولش يدور ازاى يلاقى شغل

عايز ايه؟؟

عايز الشباب كلهم يكونوا عندهم أحلام وأهدف بيحاولوا يحققوها

لو انا وانت خلينا واحد فقط يحدد حلم له ويسعى انه يحققه

ده مكسب كبير جدا بالنسبالنا..اننا صنعنا حياة لإنسان

••••••••••••••••••••••••

؟؟ iDream مين هم فريق

احنا مجموعة شباب وبنات طموحين لحياة أفضل

كل واحد فينا عنده وحلمه الخاص بيه

وعايز يحققه..وقرر انه يحققه معانا

رقم واحد هنمى نفسى أولا هرتقى بامكانياتى أولا

وثانيا هنمى وهاخد بإيد صاحبى أو صحبتى

علشان كلنا يبقى لينا هدف ومعنى لحياتنا

ازاى الكلام ده وازاى ممكن أطور نفسى مع الفريق

عن طريق كذا حاجة

أول حاجة الدورات التدريبية

iDream أول ما بدأنا

عملنا محاضرة ((كيف تصنع أحلامك وتجعلها حقيقة ))

مع الدكتور شريف عرفه

لما جينا نختار اسم المحاضرة كنا قاصدين انه يتعلق بفكرتنا

اول حاجة ازاى احدد واصنع حلمى

وده كان بدايتنا يوم الخميس 1/7/2010

بعد كده نظمنا برنامج جميل جدا جدا

من 3 أيام

اليوم الأول كان مع المدرب محمد شاكر

واتعلمنا ازاى نتكلم ونواجه الجمهور

..ونوصل رسالتنا فى أقل وقت ممكن

وكل الناس وقفت واتحدت خوفهم واتعلمنا ازاى نتكلم ونتحرك ونبرات الصوت..الخ

تانى يوم اتعلمنا مهارات الاقناع وقوانين الاقناع مع المدرب محمد زكريا

وتالت يوم عملنا ورشة عمل على رسالة الـ33 ثانية

وبعدين عملنا كورس القراءة السريعة مع المدرب محمد شاكر

واستراتيجيات تطوير الذات مع المدربة منى القصاص

خدمة العملاء مع مستر أحمد سمير مدرب خدمة العملاء بشركة موبنيل

كورس قانون الجذب مع المدرب المصرى الأول لقانون الجذب مستر محمد زكريا

ده نموذج من البرامج التدريبية

تانى حاجة المحاضرات المجانية

ودى لأعضاء الفريق فقط

على سبيل المثال

عملنا
محاضرة مجانية عن التسويق الالكترونى

محاضرة مجانى فى التصميم والجرافيك
ومحاضرة جماهرية فى جامعة المنصورة مع محمد شاكر ومحد زكريا عن مهارات الاتصال

رحلات

هنعمل ان شاء الله رحلات ترفيهية ويكون معانا شخصيات بنحبها وتفيدنا برده

حفلات

هيتعمل حفلات هادفة

زى حفلة للنجم الجميل حمزة نمرة وهشام الكخ

ووسائل تانية ان شاء الله

••••••••••••••••••••••••

هستفاد ايه …وممكن أفيد ازاى؟؟

ان شاء الله هيتعمل كارنيهات عضوية

ومن حقك تحضر أى كورس بتخفيض 10 %

وطلوع الرحلات وحضور الحفلات بتخفيض 10 %

وكمان حضور اى محاضرة مجانية

ده بخلاف أهم حاجة

انك هتنمى مهاراتك وتزيد من امكانياتك وتحقق أحلامك معانا وتساعد صحابك كمان

ممكن تفيد ازاى؟؟

على سبيل المثال

الماحضرين فى المحاضرات المجانية دى

اللى بيعملها أعضاء من الفريق متميزين فى المجال بتعاهم

زى اللغة والتصميم والتسويق

انت شوف ممكن تفيد ازاى

حتى لو هتفيد بفكرة

••••••••••••••••••••••••

أعضاء الفريق

المؤسسين

أحمد مجدى
هند شاهين …مديرة الفريق ومديرة العلاقات العامة
حسن نعمان…المدير التقنى
أنس عماد…مدير التسويق
أسماء سامى …مديرة خدمة العملاء

الأعضاء الفاعلين

أ/داليا
آيه النجار
مى محمود
سالى رؤوف
ايمان رمضان
سماح محمد
هبه صالح

أحمد فتحى
ابوبكر كمال
عبد الرحمن

الأعضاء الى الآن

أكثر من 500 عضو وعضوة فى الفريق

••••••••••••••••••••••••••••••••••••••••••••••••

وختاما

نقول بأعلى صوتنا

انا بحلم …وهحقق حلمى